D'Anens waren einfach a kleng Leit vum Houwald, déi ufanks de Fofzeger Joren duerch Zoufall en Ugebot kruten, fir e Café op der Wallis Plaz opzemaachen. Well se sech ëmmer schonn eropschaffe wollten, hunn se déi Geleeënheet natierlech direkt freedeg ergraff. Mee nodeem se no enger gewësser Zäit gemierkt hunn, dass net alles Gold ass wat blénkt, hunn se, ouni u Konsequenzen ze denken, eng fatal Decisioun getraff, déi indirekt hiert eenzegt Kand, den Tom Anen, deier ze stoe komme sollt. / Iwwert e bësse Porno, e bësse Prostitutioun, e bëssen Drogenhandel, e bësse Krimi, e bësse Spaass, e bëssen Eescht, e bëssen Gesellschaftskritik an e bësse Libesgeschicht weist dës Geschicht de Werdegang vun engem anungslose lëtzebuerger Jong, mëtten am Kampf mat den Elementer am Dschungel vum Liewen. / A si weist, dass trotz de seltsame Werdegäng, duerch déi de Mënsch a senger jugendlecher Anungslosegkeet heiansdo muss goen, zu gudder Lescht all Waasser dach ëmmer säi Wee an d'Mier fënnt.