Littérature - Roman

De Roland Meyer ass sécher de Lieser vu ganz ville Bicher vun Op der Lay als Kannerbuch- oder Jugendbuchautor bekannt. Mä hien huet och Kabaretstexter fir Erwuessener geschriwwen. Muedebëtzeg, wat Op der Lay elo erausginn huet, ass weder dat eent nach dat anert: Et ass e literarescht Buch fir Erwuessener vum Roland Meyer, also net fir Jonker. A mat Kabaretstexter huet et héchstens eppes Gesellschaftskritesches gemeinsam. Et ass e moderne Roman op Lëtzebuergesch, wéi et der eigentlech méi misst ging. Muedebëtzeg - De Paul ass en erfollegräichen Architekt, deen tëschent Lëtzebuerg a Cannes souzesoen hin an hier pendelt. Mat 52 Joer kuckt hien zréck op säi Liewe mam Laura, wat en zu Bréissel op der Uni deemols kennegeléiert hat. Wat säi Liewen awer a leschter Zäit méi intressant gemaach huet, war d'Bekanntschaft mam Isabel, wouraus sech eng sexuell Relatioun mat dëser jonker Architektin entwéckelt. Dëst Verhältnes schéngt dem Isabel an dem Paul ze notzen an deeen intresséiert sech manner fir seng Fra, bis e gewuer gëtt, datt d'Laura Broschtkriibs huet. Ëmmer méi gëtt et fir de Paul kloer, datt alles "muedebëtzeg" gët.