Ëmmer stoung d'Päerd fir Eleganz, Kraaft an Ausdauer. Veréiert gouf et - a bluddeg geschënnt. E puer dausend Joer laang war et dem Mensch séng Tempos-Maschinn. Muecht-Politik huet et méiglech gemaach: d'Kawalleri war eng gefaart Krichswaff. Am 19. Joerhonnert ass mat dem Dampmaschinn e Päerd op Schinne komm. De Vëlo gouf e Päerdchen fir de klenge Mann. An op eemol hate mer den Automobill, d'Kutsch ouni Päerd. Zënter d'Bauerewiësen mékaniséiert ass, bleift dem Koko nëmmen nach eng Roll als Sport a Fräizäit-Frënd. 44 Kapitele beschreiwen d'Päerd an der Mitologi, Litteratur, Molerei a Skulptur, d'Päerd am Krich, am Sport, d'Schaffpäerd um Bauerenhaff a virun de Postkutschen. Grouss Perséinlechkeeten - Napoléon, Theodore Roosvelt, Churchill, Goethe, Tolstoi - gi gewise mat de Päerd. Prosa-Stécker a Gedichter aus der internationaler Litteratur sinn als kleng Antologi vun de Päerder dertëscht gesat. Vill Fotoën illustréieren dëst interessant Buch.